Ilon Mask qarz inqirozi sabab 200 dan ortiq bulutli AI kompaniyasining ommaviy yopilishidan ogohlantirmoqda
Gartner tahlilchilarining prognoziga koʻra, 2030 yilgacha bulutli AI kompaniyalarining 80 foizi yuqori xarajatlar sabab faoliyatini toʻxtatadi.
SpaceX asoschisi Ilon Mask 200 dan ortiq neokloud ommaviy yopilishlar va konsolidatsiyaga duch kelishi mumkinligidan ogohlantirdi. Neokloudlar chiplarni sotib olib, hisoblash quvvatlarini AI modellari ishlab chiquvchilariga ijaraga beradi. Shu sababli ular bunday xizmatlarga boʻlgan talabga bogʻliq.
Maskning soʻzlariga koʻra, kredit bozorlari AI maʼlumotlar markazlaridan tashqarida sezilarli daromadga ega boʻlmagan kompaniyalarning mablagʻ olish imkoniyatini deyarli toʻliq yopgan. U SpaceXʼni bundan mustasno holat deb atadi: kompaniya 40 mlrd dollar miqdorida qarz moliyalashtirishini jalb qilgan, investitsiya darajasidagi reytingga ega, daromadlarini esa Starlink va raketa uchirishlari taʼminlaydi.
Moliyaviy bosimni eng yirik neokloudlardan biri boʻlgan CoreWeave misolida koʻrish mumkin. Iyun oxirida kompaniyaning toʻlanmagan qarzi 35,6 mlrd dollarni, pul mablagʻlari va ularning ekvivalentlari esa 5,5 mlrd dollarni tashkil etgan.
