100 dan ortiq tashkilot yoshlarga 1 200 dan ziyod boʻsh ish oʻrni va stajirovkani taklif qildi
Tadbir talabalar, yoshlar va ishsizlarni ish bilan taʼminlash, kasbga yoʻnaltirish boʻyicha koʻmak berish hamda tadbirkorlik tashabbuslarini ilgari surishga bagʻishlandi.
Yarmarkada ishtirokchilarga tashkilotlarning boʻsh ish oʻrinlari, shuningdek, amaliyot va stajirovka imkoniyatlari bilan tanishish taklif etildi.
«Payshanba — yoshlar kuni» dasturi doirasida rahbarlar talabalar va yoshlar bilan ularning taklif hamda tashabbuslarini muhokama qildi. Universitet jamoasi innovatsion loyihalar, agrotexnologiyalar sohasidagi ishlanmalar va muhandislik yechimlarini namoyish etdi.
Tashkilotchilar eng faol ishtirokchilarni tashakkurnomalar va esdalik sovgʻalari bilan taqdirladi. Loyiha Oʻzbekiston Respublikasi Markaziy banki, Oʻzbekiston Milliy banki, Taʼlim va fan vazirligi, Kambagʻallikni qisqartirish va bandlik vazirligi, Yoshlar ishlari agentligi hamda Savdo-sanoat palatasi bilan hamkorlikda amalga oshirilmoqda.
