Xitoyda taʼlim va stajirovkalar: oʻzbekistonlik talabalar uchun yangi istiqbollar
Dastur ishtirokchilari Jiaxingdagi korxonalar, shifoxonalar, metro va temiryoʻl vokzallarida amaliyot oʻtashlari mumkin boʻladi
Xitoyning Chjetszyan provinsiyasiga ish safari davomida Oʻzbekiston Bosh konsulxonasi diplomatlari Jiaxing Nanyang politexnika instituti rektorining oʻrinbosari Liwei Feng bilan uchrashdi. Muzokaralarda akademik almashinuv hamda Oʻzbekiston texnikumlari bilan hamkorlik masalalari koʻrib chiqildi.
Institut oʻzbekistonlik talabalar uchun ikki va uch yillik dasturlarni, oʻquvchilar hamda oʻqituvchilar uchun esa qisqa muddatli kurslarni ochishni rejalashtirmoqda. Mumkin boʻlgan yoʻnalishlar qatoridan muhandislik, hamshiralik ishi, transport, toʻqimachilik sanoati, elektromobillarni taʼmirlash, yangi energetika va sunʼiy intellekt oʻrin olgan.
2026-yil noyabr oyida Xitoy tomoni Liwei Feng boshchiligidagi delegatsiyani Oʻzbekistonga yuborishga tayyor. Tashrif davomida hamkorlikning amaliy mexanizmlari hamda Oʻzbekiston texnikumlari bilan bitimlar tuzish masalalarini muhokama qilish rejalashtirilmoqda.
Yana oʻqing
Toshkentda Markaziy Osiyo xalqaro taʼlim forumi ochildi
Oʻqish29-oktabr, 16:25
Turkiy davlatlar xalqaro universiteti yagona akademik platformani shakllantirmoqda
Oʻqish28-oktabr, 12:38