Amazonʼdan Coinbaseʼgacha: qaysi kompaniyalar xodimlar sonini qisqartirmoqda
Shu bilan birga, umuman iqtisodiyotda ishsizlik keskin oshgani yoʻq, ekspertlar esa mehnat bozorini «ishdan boʻshatishlar kam — ishga qabul qilishlar ham kam» deb taʼriflamoqda
Business Insider 2026-yilda qisqartirishlar eʼlon qilgan yoki hozir ularni amalga oshirayotgan yirik kompaniyalar roʻyxatini tuzdi.
Roʻyxatga Meta, Amazon, Dropbox, American Express, Atlassian, Cloudflare, Coinbase, Dell, eBay, Epic Games, Angi, Barclays, British American Tobacco, Citi, Crypto.com va Estée Lauder kiritilgan.
Amazon yanvar oyida dunyo boʻylab qariyb 16 000 ta korporativ lavozim qisqartirilishini eʼlon qildi. American Express xodimlar sonini taxminan 5 foizga, Atlassian esa qariyb 1 600 nafar xodimga kamaytirishni rejalashtirmoqda. Cloudflare butun dunyo boʻylab xodimlarining qariyb 20 foizini qisqartirish rejasini maʼlum qildi, Coinbase esa shtatining 14 foizini qisqartirishini bildirdi.
Ayrim kompaniyalar qisqartirishlarni sunʼiy intellektdan foydalanish bilan bogʻlamoqda. Epic Games esa, aksincha, uning qarori sunʼiy intellekt bilan bogʻliq emasligini maʼlum qildi.
