Davlat siyosati va boshqaruvi akademiyasida magistratura dasturlarining ochilish marosimi boʻlib oʻtdi
Bu oʻquv yilida 3 000 dan ortiq nomzod hujjat topshirdi, ulardan 189 nafari kunduzgi taʼlimga tavsiya etildi
Davlat siyosati va boshqaruvi akademiyasida rahbar kadrlarni tayyorlashga moʻljallangan magistratura dasturlari ochildi. Marosimda Akademiya, Boshqaruv samaradorligi agentligi, Raqamli texnologiyalar vazirligi, Respublika Maʼnaviyat va maʼrifat markazi hamda «El-yurt umidi» jamgʻarmasi vakillari ishtirok etdi.
Raqamli texnologiyalar vaziri Sherzod Shermatov davlat boshqaruvida raqamli texnologiyalar, innovatsiyalar va zamonaviy bilimlarning ahamiyatini taʼkidladi. Akademiya rektori Jasur Salixov strategik fikrlaydigan, zamonaviy kompetensiyalarga ega va natijaga yoʻnaltirilgan rahbarlarni tayyorlashni ustuvor vazifa deb atadi.
Taʼlim 18 oyga moʻljallangan boʻlib, nazariy tayyorgarlikni amaliy boshqaruv tajribasi bilan uygʻunlashtiradi. Dastur, shuningdek, analitik fikrlashni, maʼlumotlarga asoslangan qarorlar qabul qilish koʻnikmalarini hamda murakkab boshqaruv vazifalariga yechim izlash qobiliyatini rivojlantiradi.
Yana oʻqing
Toshkentda Markaziy Osiyo xalqaro taʼlim forumi ochildi
Oʻqish29-oktabr, 16:25
Turkiy davlatlar xalqaro universiteti yagona akademik platformani shakllantirmoqda
Oʻqish28-oktabr, 12:38