Oʻzbekiston Prezidenti huzuridagi Xorijiy investorlar kengashi va EUROUZ memorandum imzoladi

Kelishuv ishtirokchilari Oʻzbekiston Prezidenti huzuridagi Xorijiy investorlar kengashi va Yevropa-Oʻzbekiston iqtisodiy hamkorlik assotsiatsiyasi (EUROUZ) boʻldi. Memorandum davlat organlari va biznes oʻrtasidagi hamkorlikni, shuningdek, Oʻzbekiston bozoriga kirib kelayotgan Yevropa kompaniyalariga koʻmaklashishni nazarda tutadi.

Rejalarga qoʻshma biznes uchrashuvlari oʻtkazish, tadbirkorlar delegatsiyalarining safarlarini tashkil etish, bozorlar haqidagi maʼlumotlar va tajriba almashish kiradi. Tomonlar, shuningdek, Yevropa kompaniyalari va oʻzbekistonlik hamkorlar oʻrtasidagi aloqalarni mustahkamlash niyatida.