Oʻzbekistonda taʼlimda sunʼiy intellekt boʻyicha yangi UNESCO kafedrasi tashkil etilmoqda
YUNESKO Toshkentdagi Xalqaro Nordik universitetida «Taʼlimda sunʼiy intellektni oʻqitish va oʻrganish» kafedrasini tashkil etishni maʼqulladi.
Yangi kafedra turli mamlakatlardagi universitet tarmoqlari va kafedralarini birlashtiruvchi YUNESKOning UNITWIN dasturi doirasida faoliyat yuritadi. U Oʻzbekistondagi YUNESKO kafedralari orasida toʻqqizinchisi boʻladi.
Boʻlinmaning asosiy vazifalari Markaziy Osiyo mamlakatlari ehtiyojlarini hisobga olgan holda sunʼiy intellektdan oliy taʼlimda masʼuliyatli, axloqiy va samarali foydalanish boʻyicha tadqiqotlar olib borish hamda amaliy yondashuvlarni ishlab chiqishdan iborat boʻladi.
Faoliyat yoʻnalishlaridan sunʼiy intellektni taʼlimga joriy etish va uni tartibga solishni oʻrganish, oʻqitish va taʼlim olishda undan foydalanish boʻyicha uslubiy tavsiyalar hamda vositalar tayyorlash oʻrin oladi. Kafedra, shuningdek, oʻqituvchilar va taʼlim muassasalari rahbarlarining malakasini oshirish, ularning raqamli kompetensiyalarini rivojlantirish va xalqaro tajriba almashinuvini yoʻlga qoʻyish bilan shugʻullanadi.
Tashabbus kadrlar tayyorlash, pedagoglar malakasini oshirish va sunʼiy intellektdan foydalanish koʻlamini kengaytirishni nazarda tutuvchi 2030 yilgacha sunʼiy intellekt texnologiyalarini rivojlantirish strategiyasiga mos keladi. Kafedra faoliyati doirasida qoʻshma tadqiqotlar oʻtkazish, xorijiy ekspertlarni jalb etish va oliy taʼlimda sunʼiy intellektdan foydalanish boʻyicha mintaqaviy ekspertlik platformasini rivojlantirish rejalashtirilmoqda.
Yana oʻqing
TAGU The Japan Foundationdan yapon tili boʻyicha 167 ta qoʻllanma oldi
Oʻqish11:45
Oʻzbekiston FVV Akademiyasi Vengriya universiteti bilan mutaxassislar tayyorlash masalasini muhokama qildi
Oʻqish11:22